قبیلہ کِندہ کے ایک بزرگ سے روایت ہے، انہوں نے بیان کیا کہ ہم سیدنا علی رضی اللہ عنہ کی مجلس میں بیٹھے ہوئے تھے کہ نجران کا پادری (بشپ) آپ کے پاس آیا، تو آپ رضی اللہ عنہ نے اس کے بیٹھنے کے لیے جگہ کشادہ کر دی، اس پر ایک شخص نے آپ سے عرض کیا: اے امیر المومنین! کیا آپ اس نصرانی کے لیے جگہ کشادہ فرما رہے ہیں؟ تو سیدنا علی رضی اللہ عنہ نے ارشاد فرمایا: ”بیشک جب یہ لوگ رسول اللہ صلی اللہ علیہ وسلم کی خدمتِ اقدس میں حاضر ہوتے تھے تو آپ صلی اللہ علیہ وسلم بھی ان کے لیے جگہ کشادہ فرما دیا کرتے تھے۔“
اس حدیث کو امام ابن ابی عمر نے روایت کیا ہے، اس کی سند میں ایک راوی مبہم (غیر معروف) ہے۔ [المطالب العالية بزوائد المسانيد الثمانية/كتاب الأدب/حدیث: 2655]