سیدہ عائشہ رضی اللہ عنہا سے روایت ہے کہ نبی کریم صلی اللہ علیہ وسلم نے ارشاد فرمایا: ”تم خیر و بھلائی اور اپنی حاجتوں کی طلب ان لوگوں کے پاس کیا کرو جو خوبصورت اور بارونق چہروں والے ہوں (یعنی جن کے بشرے سے شرافت، مروت اور خوش اخلاقی کے آثار عیاں ہوں)۔“
اس حدیث کو امام ابو یعلیٰ نے اپنی مسند میں روایت کیا ہے، اس کی سند میں موجود راویہ جبرہ بنت محمد کی وجہ سے محدثین نے اسے ضعیف قرار دیا ہے، البتہ اس مفہوم کے دیگر شواہد بھی نقل کیے گئے ہیں۔ [المطالب العالية بزوائد المسانيد الثمانية/كتاب الأدب/حدیث: 2660]