سیدنا ابوہریرہ رضی اللہ عنہ سے روایت ہے کہ ہم نبی کریم صلی اللہ علیہ وسلم کی خدمتِ اقدس میں حاضر تھے کہ حاضرین میں سے ایک شخص نے عرض کیا: ”اے اللہ کے رسول! فلاں شخص کتنا زیادہ عاجز و ناتواں ہے!“ تو آپ صلی اللہ علیہ وسلم نے (تنبیہاً) ارشاد فرمایا: ”تم لوگوں نے اپنے بھائی کا گوشت کھا لیا ہے اور تم نے اس کی غیبت کی ہے۔“
امام ابو یعلیٰ نے بھی اپنی مسند میں عمرو الناقد کے واسطے سے قران بن تمام سے یہی روایت نقل کی ہے۔ [المطالب العالية بزوائد المسانيد الثمانية/كتاب الأدب/حدیث: 2670]