سیدنا ابو ذر رضی اللہ عنہ سے روایت ہے کہ انہوں نے بیان کیا: ”رسول اللہ صلی اللہ علیہ وسلم نے اپنے اس مرضِ وفات میں میری طرف پیغام بھیج کر مجھے بلوایا، پس میں آپ صلی اللہ علیہ وسلم کی خدمتِ اقدس میں حاضر ہوا تو میں نے آپ صلی اللہ علیہ وسلم کو آرام فرماتے ہوئے پایا، چنانچہ میں (محبت و عقیدت میں) آپ صلی اللہ علیہ وسلم کے اوپر جھک گیا، تو نبی کریم صلی اللہ علیہ وسلم نے اپنے دونوں دستِ مبارک اٹھائے اور مجھے گلے لگا لیا (میرا معانقہ فرمایا)۔“
اسے امام ابو یعلیٰ نے اپنی مسند میں روایت کیا ہے، اس کی سند میں ایک راوی مبہم ہے، تاہم دیگر شواہد کی بنا پر یہ حدیث حسن کے درجہ کو پہنچتی ہے۔ [المطالب العالية بزوائد المسانيد الثمانية/كتاب الأدب/حدیث: 2703]