سیدنا ابو قتادہ رضی اللہ عنہ سے روایت ہے کہ میں نے عرض کیا: اے اللہ کے رسول صلی اللہ علیہ وسلم ! اللہ عزوجل کے اس ارشاد ﴿أَيُّكُمْ أَحْسَنُ عَمَلًا﴾ [سورة الملك: 2] کے بارے میں آپ کی کیا رائے ہے کہ اس سے اللہ سبحانہ و تعالیٰ کی کیا مراد ہے؟
آپ صلی اللہ علیہ وسلم نے ارشاد فرمایا: ”تم میں سے عقل کے لحاظ سے سب سے بہتر کون ہے“، پھر آپ صلی اللہ علیہ وسلم نے ارشاد فرمایا: ”تم میں سے عقل کے اعتبار سے سب سے کامل وہ شخص ہے جو اللہ تعالیٰ سے سب سے زیادہ ڈرنے والا ہو، اور اللہ کے احکامات اور ممنوعات میں بصیرت و فہم کے لحاظ سے سب سے عمدہ ہو، اگرچہ وہ نفلی عبادات بجا لانے میں تم سب سے کم ہی کیوں نہ ہو۔“ [المطالب العالية بزوائد المسانيد الثمانية/كتاب الأدب/حدیث: 2774]