سیدنا انس رضی اللہ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا: ”یقیناً اللہ تبارک و تعالیٰ نے (روزِ ازل اپنی مخلوق میں سے) ایک مٹھی لی اور فرمایا: یہ لوگ میری رحمت کے طفیل جنت کے لیے ہیں، اور پھر ایک (دوسری) مٹھی لی اور فرمایا: یہ لوگ دوزخ کے لیے ہیں اور مجھے (اس کی) کوئی پروا نہیں ہے۔“
امام ابو یعلیٰ نے یہ حدیث سوید بن سعید کی سند سے بیان کی ہے، اور عمرو بن محمد الناقد نے بھی اسے حکم بن سنان العبدی کے واسطے سے انہی الفاظ میں روایت کیا ہے۔ [المطالب العالية بزوائد المسانيد الثمانية/كتاب الإيمان والتوحيد/حدیث: 2949]