سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا: ”کبھی بھی کسی الحاد و بے دینی کی بنیاد ایسی نہیں پڑی مگر اس کی شروعات تقدیر کو جھٹلانے سے ہوئی ہے۔“
اس حدیث کو امام حارث بن ابی اسامہ نے اپنی مسند میں روایت کیا ہے، جس کی سند میں بحر بن کنیز السقاء بصری موجود ہے اور وہ ائمہ جرح و تعدیل کے نزدیک ضعیف راوی ہے۔ [المطالب العالية بزوائد المسانيد الثمانية/كتاب الإيمان والتوحيد/حدیث: 2954]