سیدنا عبداللہ بن عباس رضی اللہ عنہما سے اللہ تعالیٰ کے اس ارشاد ﴿لَآتِيَنَّهُمْ مِنْ بَيْنِ أَيْدِيهِمْ وَمِنْ خَلْفِهِمْ وَعَنْ أَيْمَانِهِمْ وَعَنْ شَمَائِلِهِمْ﴾ [سورة الأعراف: 17] کی تفسیر میں مروی ہے، انہوں نے فرمایا: ”شیطان یہ کہنے کی قدرت و ہمت نہ پا سکا کہ: ”(میں ان کے پاس) ان کے اوپر کی سمت سے آؤں گا“، کیونکہ اسے یہ علم تھا کہ اللہ عزوجل ان سب کے اوپر (بلند و برتر) ہے“۔
اس روایت کو امام اسحاق بن راہویہ نے اپنی مسند (حدیث: 3011) میں روایت کیا ہے، اس کی سند میں موجود راوی ابراہیم بن حکم بن ابان ضعیف ہے۔ [المطالب العالية بزوائد المسانيد الثمانية/كتاب الإيمان والتوحيد/حدیث: 3011]