سیدنا ابودرداء رضی اللہ عنہ سے مروی ہے (راوی کہتے ہیں کہ مجھے علم نہیں کہ انہوں نے یہ بات نبی کریم صلی اللہ علیہ وسلم سے مرفوعاً بیان کی ہے یا نہیں)، انہوں نے فرمایا: ”کسی شخص کی سمجھ بوجھ، فہم اور دانائی کی پہچان اس کے چلنے پھرنے، اس کے آنے اور اس کے جانے کے مقامات (یعنی اس کی صحبت، میل جول اور رفاقت) سے ہوتی ہے۔“
اس اثر کو امام ابن ابی عمر نے اپنی مسند میں روایت کیا ہے۔ [المطالب العالية بزوائد المسانيد الثمانية/كتاب العلم/حدیث: 3043]