محمد بن واسع بیان کرتے ہیں کہ میں بلال بن ابی بردہ کے پاس گیا اور ان سے کہا: اے بلال! تمہارے والد نے اپنے والد (سیدنا ابوموسیٰ اشعری رضی اللہ عنہ) کے واسطے سے مجھے حدیث بیان کی کہ نبی کریم صلی اللہ علیہ وسلم نے ارشاد فرمایا: ”یقیناً جہنم میں ایک وادی ہے جسے ہبہب کہا جاتا ہے، اللہ تبارک و تعالیٰ نے اپنے اوپر یہ حق لازم کر لیا ہے کہ وہ ہر سرکش و جابر شخص کو اس میں ٹھکانا دے، لہٰذا اے بلال! تم اس بات سے خوب بچنا کہ کہیں ان لوگوں میں شامل ہو جاؤ جو اس میں قیام کریں گے۔“
[تخریج: اس روایت کو امام حاکم نے المستدرک اور امام طبرانی نے المعجم الاوسط میں نقل کیا ہے، اس کی سند میں موجود راوی ازہر بن سنان پر جرح کی وجہ سے محدثین نے اسے ضعیف قرار دیا ہے] ۔ [المطالب العالية بزوائد المسانيد الثمانية/كتاب الرقائق/حدیث: 3228]