سیدنا عوف بن مالک اشجعی رضی اللہ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا: ”جس شخص نے اللہ تعالیٰ کی کتاب کا ایک حرف تلاوت کیا، اللہ تعالیٰ اس کے صلے میں اس کے لیے ایک نیکی لکھ دیتا ہے؛ میں یہ نہیں کہتا کہ «الٓمّٓ» ایک ہی حرف ہے، بلکہ یہ حروف الگ الگ اور جدا جدا ہیں: «الْأَلِفُ» (الف) ایک حرف ہے، «اللَّامُ» (لام) ایک حرف ہے اور «الْمِيمُ» (میم) ایک حرف ہے۔“
اسے امام بزار نے بھی روایت کیا ہے، انہوں نے کہا کہ ہمیں احمد بن ابان نے حدیث بیان کی، وہ کہتے ہیں کہ ہمیں عبدالعزیز بن محمد نے اور انہوں نے موسیٰ بن عبیدہ کے واسطے سے مذکورہ بالا سند کے ساتھ یہ حدیث بیان کی ہے۔ [المطالب العالية بزوائد المسانيد الثمانية/كتاب فضائل القرآن/حدیث: 3475]