مجاہد رحمہ اللہ سے روایت ہے کہ سیدنا ابو ذر رضی اللہ عنہ نے رسول اللہ صلی اللہ علیہ وسلم سے ایمان کی حقیقت کے متعلق دریافت کیا، تو آپ صلی اللہ علیہ وسلم نے جواباً یہ آیتِ کریمہ تلاوت فرمائی: ﴿لَيْسَ الْبِرَّ أَنْ تُوَلُّوا وُجُوهَكُمْ قِبَلَ الْمَشْرِقِ وَالْمَغْرِبِ﴾ [سورة البقرة: 177] ”نیکی محض یہ نہیں ہے کہ تم اپنے چہروں کو مشرق اور مغرب کی طرف پھیر لو۔“
یہ روایت مرسل ہے، اس کی سند صحیح ہے اور اس کے لیے شاہد (تائیدی روایت) بھی موجود ہے۔ [المطالب العالية بزوائد المسانيد الثمانية/كتاب التفسير/حدیث: 3533]