امام عامر الشعبی رحمہ اللہ سے اللہ عزوجل کے اس فرمان ﴿وَلَقَدْ آتَيْنَا مُوسَى تِسْعَ آيَاتٍ بَيِّنَاتٍ﴾ [سورة الإسراء: 101] کے متعلق مروی ہے کہ انہوں نے کہا: ”ان نو واضح نشانیوں سے مراد سیدنا موسیٰ علیہ السلام کا (روشن) ہاتھ، آپ کا عصا، برسوں کی قحط سالی، طوفان، ٹڈیاں، جوئیں، مینڈک، خون اور پھلوں کی پیداوار میں کمی ہے۔“
تخریج: اس اثر کو امام مسدد بن مسرہد نے اپنی مسند میں روایت کیا ہے اور اس کی سند صحیح ہے۔ [المطالب العالية بزوائد المسانيد الثمانية/كتاب التفسير/حدیث: 3651]