سیدنا ابو موسیٰ اشعری رضی اللہ عنہ نبی کریم صلی اللہ علیہ وسلم سے روایت کرتے ہیں کہ آپ صلی اللہ علیہ وسلم نے اللہ تعالیٰ کے اس فرمان ﴿يَوْمَ يُكْشَفُ عَنْ سَاقٍ﴾ [سورة القلم: 42] کی وضاحت میں فرمایا: ”اس سے مراد ایک عظیم الشان نور (کا ظہور) ہے، جس کی عظمت کے سامنے سب سجدہ ریز ہو جائیں گے۔“
امام ابو یعلیٰ نے اس حدیث کو اپنی مسند میں قاسم بن یحییٰ، ولید بن مسلم، ابو سعید روح بن جناح، مولیٰ عمر بن عبدالعزیز اور ابوبردہ کے واسطے سے روایت کیا ہے۔ [المطالب العالية بزوائد المسانيد الثمانية/كتاب التفسير/حدیث: 3764]