امام جعفر بن محمد (جعفر صادق) رحمہ اللہ سے روایت ہے کہ انہوں نے سیدنا ابوبکر صدیق رضی اللہ عنہ کا تذکرہ کیا، پھر ان کی خوب تعریف و توصیف بیان کی اور فرمایا: ”انہوں نے مجھے دو مرتبہ جنا ہے (یعنی میرا ان سے دوہرا نسبی تعلق ہے)۔“
اس قول سے مراد یہ ہے کہ امام جعفر صادق رحمہ اللہ کی والدہ ام فروہ، قاسم بن محمد بن ابوبکر کی صاحبزادی تھیں اور ان کی والدہ اسماء بنت عبدالرحمن بن ابوبکر تھیں، اس طرح امام صاحب کا نسب دو طرف سے سیدنا صدیقِ اکبر رضی اللہ عنہ سے جا ملتا ہے۔ [المطالب العالية بزوائد المسانيد الثمانية/كتاب المناقب/حدیث: 3881]