سیدنا عمر بن خطاب رضی اللہ عنہ سے روایت ہے کہ انہوں نے (زمین سے) ایک تنکا اٹھایا اور (کمالِ خشیتِ الٰہی سے) فرمایا: ”میری یہ تمنا ہے کہ کاش میں یہی (تنکا) ہوتا، اور میری یہ آرزو ہے کہ کاش میری ماں نے مجھے جنم ہی نہ دیا ہوتا، اور کاش کہ میں ﴿نَسْيًا مَنْسِيًّا﴾ [سورة مريم: 23] یعنی ”ایسی چیز بن جاتا جسے مکمل طور پر بھلا دیا گیا ہو اور اس کا نام و نشان تک باقی نہ رہتا“۔“
اس اثر کی سند میں عاصم بن عبید اللہ ضعیف راوی ہے، تاہم سیدنا عمر فاروق رضی اللہ عنہ سے خشیتِ الٰہی اور فکرِ آخرت پر مبنی اس نوعیت کے کلمات دیگر مستند آثار میں بھی مروی ہیں۔ [المطالب العالية بزوائد المسانيد الثمانية/كتاب المناقب/حدیث: 3902]