سیدنا علی رضی اللہ عنہ سے روایت ہے کہ انہوں نے فرمایا: ”میرے بارے میں دو قسم کے لوگ ہلاک ہوئے: ایک وہ جو محبت میں غلو (حد سے تجاوز) کرنے والا ہے، اور دوسرا وہ دشمن جو بہتان تراشی کرنے والا ہے۔“
سیدنا ابو جحیفہ رضی اللہ عنہ بیان کرتے ہیں کہ میں نے سیدنا علی رضی اللہ عنہ کو منبر پر اپنی شہادت کی انگلی اور درمیانی انگلی سے اشارہ کرتے ہوئے یہ فرماتے ہوئے سنا: ”میرے معاملے میں دو طرح کے لوگ برباد ہوئے: ایک وہ محبت کرنے والا جو حد سے بڑھنے والا ہے اور دوسرا وہ دشمن جو سخت نفرت و عداوت رکھنے والا ہے۔“
نیز زاذان سے مروی ہے کہ انہوں نے بھی سیدنا علی رضی اللہ عنہ سے اسی کی مثل روایت نقل کی ہے، تاہم انہوں نے اس میں انگلیوں کے اشارے کا تذکرہ نہیں کیا۔ [المطالب العالية بزوائد المسانيد الثمانية/كتاب المناقب/حدیث: 3940]