سیدنا انس رضی اللہ عنہ سے روایت ہے کہ انہوں نے فرمایا: ”بے شک میں اس بات کی قوی امید رکھتا ہوں کہ (بروزِ قیامت) جب میں نبی کریم صلی اللہ علیہ وسلم سے ملاقات کا شرف حاصل کروں گا تو عرض کروں گا: اے اللہ کے رسول صلی اللہ علیہ وسلم ! آپ کا ادنیٰ سا خادم انس حاضر ہے“۔
اسے امام طیالسی نے اپنی مسند میں روایت کیا ہے، اور امام ابو یعلیٰ نے بھی ہارون کے واسطے سے ابوداؤد طیالسی سے اسے نقل کیا ہے۔ [المطالب العالية بزوائد المسانيد الثمانية/كتاب المناقب/حدیث: 4058]