سیدنا اسعد بن زرارہ رضی اللہ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا: ”جب مجھے آسمان کی طرف معراج کرائی گئی تو مجھے موتیوں کے بنے ہوئے ایک ایسے محل تک پہنچایا گیا جس کے ستون سونے کے تھے اور وہ اپنی چمک دمک بکھیر رہے تھے، پھر میری طرف وحی کی گئی یا مجھے علی (رضی اللہ عنہ) کے متعلق تین اوصاف کا حکم دیا گیا کہ: «بِأَنَّكَ سَيِّدُ الْمُرْسَلِينَ، وَإِمَامُ الْمُتَّقِينَ، وَقَائِدُ الْغُرِّ الْمُحَجَّلِينَ» ”بلا شبہ آپ رسولوں کے سردار، پرہیزگاروں کے پیشوا اور (قیامت کے دن) وضو کے اثر سے چمکتے ہوئے چہروں اور روشن اعضاء والوں کے قائد ہیں“۔“
اس روایت کو امام ابو یعلیٰ نے اپنی مسند میں نقل کیا ہے، اس کی سند سخت ضعیف ہے کیونکہ اس میں نصر بن مزاحم عطار نامی راوی ہے جو کہ غالی شیعہ اور محدثین کے نزدیک متروک الحدیث ہے، نیز علی رضی اللہ عنہ کے متعلق ”سید المرسلین“ کے الفاظ منکر ہیں کیونکہ یہ لقب صرف نبی کریم صلی اللہ علیہ وسلم کے لیے مختص ہے۔ [المطالب العالية بزوائد المسانيد الثمانية/كتاب السيرة والمغازي/حدیث: 4234]