زید بن علی سے روایت ہے کہ انہوں نے بیان کیا کہ غزوۂ بدر کے دن نبی کریم صلی اللہ علیہ وسلم کا شعار یعنی مخصوص جنگی نعرہ یہ تھا: «يَا مَنْصُورُ، أَمِتْ» جس کا ترجمہ و مفہوم یہ ہے کہ ”اے اللہ کی نصرت و مدد پانے والے! (دشمن کو) موت کے گھاٹ اتار دے۔“
اس کی سند میں محمد بن عمر الواقدی راوی ہیں جن پر اکثر محدثین نے جرح کی ہے اور انہیں ضعیف قرار دیا ہے، البتہ جنگی شعار کے حوالے سے اس طرح کے الفاظ دیگر کتبِ سیرت و احادیث میں بھی منقول ہیں۔ [المطالب العالية بزوائد المسانيد الثمانية/كتاب السيرة والمغازي/حدیث: 4250]