سیدنا سعد بن ابی وقاص رضی اللہ عنہ سے روایت ہے کہ انہوں نے بیان کیا: ”میں نے رسول اللہ صلی اللہ علیہ وسلم کو غزوۂ احد کے دن دیکھا کہ آپ صلی اللہ علیہ وسلم نے دو زرہیں زیبِ تن فرمائی ہوئی تھیں، اور آپ صلی اللہ علیہ وسلم نے ارشاد فرمایا: ”اے کاش! مجھے بھی پہاڑ کے دامن میں اپنے ان ساتھیوں کے ہمراہ چھوڑ دیا جاتا (یعنی میں بھی شہید ہو جاتا)“، آپ صلی اللہ علیہ وسلم کی مراد شہدائے احد تھے۔“
اسے امام حارث بن ابی اسامہ نے اپنی مسند میں روایت کیا ہے، اس کی سند میں محمد بن عمر الواقدی جمہور محدثین کے نزدیک ضعیف ہے، البتہ احد کے دن دو زرہیں پہننے کا ذکر دیگر مستند روایات میں بھی موجود ہے۔ [المطالب العالية بزوائد المسانيد الثمانية/كتاب السيرة والمغازي/حدیث: 4264]