امام عامر شعبی رحمہ اللہ سے مروی ہے کہ انہوں نے بیان کیا: ”رسول اللہ صلی اللہ علیہ وسلم نے «لَعَنَ الْحَكَمَ وَمَنْ يَخْرُجُ مِنْ صُلْبِهِ» ”حکم (بن ابی العاص) اور اس کی صلب یعنی پشت سے پیدا ہونے والی اولاد پر لعنت فرمائی ہے۔““
یہ روایت مرسل ہے کیونکہ امام شعبی رحمہ اللہ تابعی ہیں اور انہوں نے اسے براہِ راست نبی کریم صلی اللہ علیہ وسلم سے روایت کیا ہے، نیز اس کی سند میں مجالد بن سعید نامی راوی موجود ہے جو کہ محدثین کے نزدیک ضعیف اور کثیر الغلط ہے۔ [المطالب العالية بزوائد المسانيد الثمانية/كتاب الفتوح/حدیث: 4459]