حنظلہ سدوسی بیان کرتے ہیں کہ میں نے عکرمہ رحمہ اللہ سے عرض کیا: ”میں بسا اوقات نمازِ مغرب میں ﴿قُلْ أَعُوذُ بِرَبِّ الْفَلَقِ﴾ [سورة الفلق: 1] اور ﴿قُلْ أَعُوذُ بِرَبِّ النَّاسِ﴾ [سورة الناس: 1] کی تلاوت کرتا ہوں، لیکن کچھ لوگ اس پر مجھے ملامت کرتے ہیں؟“ انہوں نے (تعجب کا اظہار کرتے ہوئے) فرمایا: «سُبْحَانَ اللهِ» ”اللہ پاک ہے! تم ان دونوں سورتوں کی تلاوت ضرور کیا کرو، کیونکہ بے شک یہ دونوں قرآنِ کریم کا حصہ ہیں۔“
اس اثر کی سند حسن ہے۔ [المطالب العالية بزوائد المسانيد الثمانية/صفة الصلاة/حدیث: 469]