بنو مدلج کے ایک شخص اپنے والد سے روایت کرتے ہیں کہ سیدنا سراقہ بن مالک رضی اللہ عنہ تشریف لائے اور بتانے لگے کہ ”رسول اللہ صلی اللہ علیہ وسلم نے ہمیں فلاں فلاں احکام سکھائے ہیں“، تو (حاضرینِ مجلس میں سے) کسی نے (ازراہِ استعجاب) پوچھا: کیا انہوں نے آپ کو یہ بھی سکھایا ہے کہ آپ قضائے حاجت کیسے کریں؟ انہوں نے جواب دیا: جی ہاں، ”آپ صلی اللہ علیہ وسلم نے ہمیں یہ حکم دیا ہے کہ ہم (بیٹھتے وقت) دائیں جانب ٹیک لگائیں اور بائیں پاؤں کو کھڑا رکھیں“، اور امام احمد بن منیع نے بھی ابو احمد زبیری سے اسی طرح روایت کیا ہے، مگر انہوں نے دائیں اور بائیں کے الفاظ کی ترتیب کو اس کے برعکس ذکر کیا ہے۔ [المطالب العالية بزوائد المسانيد الثمانية/كتاب الطهارة/حدیث: 47]