سیدہ شعثاء رحمہا اللہ سے روایت ہے کہ انہوں نے سیدنا عبداللہ بن ابی اوفیٰ رضی اللہ عنہ کو دیکھا کہ انہوں نے دو رکعتیں ادا کیں، تو ان کی اہلیہ نے ان سے (تعجب سے) کہا: ”آپ نے صرف دو ہی رکعتیں پڑھی ہیں؟“ تو انہوں نے فرمایا: ”بے شک میں نے رسول اللہ صلی اللہ علیہ وسلم کو دیکھا کہ آپ صلی اللہ علیہ وسلم نے چاشت کی دو رکعتیں اس وقت ادا فرمائی تھیں جب آپ صلی اللہ علیہ وسلم کو فتح اور ابوجہل کا سر (لائے جانے) کی خوشخبری سنائی گئی تھی۔“
میں (ابن حجر) کہتا ہوں کہ اس حدیث کا کچھ حصہ سنن ابن ماجہ میں بھی روایت کیا گیا ہے۔ [المطالب العالية بزوائد المسانيد الثمانية/كتاب النوافل/حدیث: 643]