عطاء بن یسار رحمہ اللہ سے روایت ہے کہ نبی کریم صلی اللہ علیہ وسلم نے فرمایا: ”ملک الموت کا (روح قبض کرنے کے لیے) سختی کرنا تلوار کے ایک ہزار واروں سے بھی زیادہ شدید ہے، اور جو بھی مومن فوت ہوتا ہے، اس کے جسم کی ہر ایک رگ الگ الگ درد و تکلیف محسوس کرتی ہے۔“
امام حارث فرماتے ہیں کہ میرا گمان ہے آپ صلی اللہ علیہ وسلم نے یہ بھی ارشاد فرمایا: ”اور اسے جنت کی خوشخبری سناؤ، کیونکہ (موت کی) بے چینی بہت بڑی اور اس کی ہولناکی نہایت شدید ہوتی ہے، اور یہی وہ وقت ہوتا ہے جب اللہ کا دشمن (شیطان) انسان کے سب سے زیادہ قریب ہوتا ہے۔“ [المطالب العالية بزوائد المسانيد الثمانية/كتاب الجنائز/حدیث: 776]