ابوصدیق رحمہ اللہ سے روایت ہے کہ سیدنا انس رضی اللہ عنہ جب میت کو قبر میں اتارتے تو فرماتے: ” «اللَّهُمَّ جَافِ الْأَرْضَ عَنْ جَنْبَيْهِ، وَوَسِّعْ عَلَيْهِ حُفْرَتَهُ» ”اے اللہ! اس کے پہلوؤں سے زمین کو دور (کشادہ) کر دے اور اس کے لیے اس کی قبر کو وسعت عطا فرما۔“”
اس روایت کو امام حارث بن ابی اسامہ نے اپنی مسند (بغیۃ الباحث: 310) میں روایت کیا ہے اور اس کی سند کے تمام راوی ثقہ ہیں۔ [المطالب العالية بزوائد المسانيد الثمانية/كتاب الجنائز/حدیث: 829]