سیدنا انس رضی اللہ عنہ سے روایت ہے کہ ایک شخص نبی کریم صلی اللہ علیہ وسلم کی خدمتِ اقدس میں حاضر تھا، پھر اس کا انتقال ہو گیا، چنانچہ رسول اللہ صلی اللہ علیہ وسلم کو مطلع کیا گیا کہ وہ فوت ہو گیا ہے، تو آپ صلی اللہ علیہ وسلم نے دریافت فرمایا: ”کیا وہی شخص جو ابھی ذرا دیر پہلے ہمارے پاس موجود تھا؟“ صحابہ کرام نے عرض کیا: جی ہاں، تو آپ صلی اللہ علیہ وسلم نے ارشاد فرمایا: ”یہ تو ایسی موت ہے گویا غصے کی حالت میں اچانک پکڑ لیا گیا ہو (یعنی اسے بالکل ناگہانی موت آئی ہے)۔“
امام مسدد نے بھی اسے درست بن زیاد، از یزید، از سیدنا انس رضی اللہ عنہ کی سند سے اسی طرح روایت کیا ہے
اور امام ابو یعلیٰ نے اسے اسحاق بن ابی اسرائیل، از درست بن زیاد کی سند سے اسی طرح روایت کیا ہے۔ [المطالب العالية بزوائد المسانيد الثمانية/كتاب الجنائز/حدیث: 841]