سیدنا حنظلہ بن راہب رضی اللہ عنہ سے روایت ہے کہ ایک شخص نے نبی کریم صلی اللہ علیہ وسلم کو سلام کیا تو آپ صلی اللہ علیہ وسلم نے اسے (فوری) جواب نہیں دیا یہاں تک کہ آپ صلی اللہ علیہ وسلم نے تیمم (دیوار وغیرہ پر ہاتھ پھیر کر مسح) فرمایا، پھر آپ صلی اللہ علیہ وسلم نے ارشاد فرمایا: ”تمہارے سلام کا جواب دینے سے مجھے کسی چیز نے نہیں روکا سوائے اس کے کہ میں باوضو (حالتِ طہارت میں) نہیں تھا۔“ یا راوی نے یوں کہا کہ آپ صلی اللہ علیہ وسلم نے اسے سلام کا جواب نہیں دیا یہاں تک کہ آپ صلی اللہ علیہ وسلم نے تیمم (مسح) کیا اور پھر اسے جواب دیا۔ [المطالب العالية بزوائد المسانيد الثمانية/كتاب الطهارة/حدیث: 86]