سیدنا کعب بن عجرہ رضی اللہ عنہ کہتے ہیں: نبی کریم صلی اللہ علیہ وسلم کے پاس سے ایک شخص گزرا، تو رسول اللہ صلی اللہ علیہ وسلم کے صحابہ کرام رضی اللہ عنہم نے اس کی مضبوطی اور چستی دیکھی تو عرض کیا: اے اللہ کے رسول! کاش یہ اللہ کی راہ میں ہوتا؟ رسول اللہ صلی اللہ علیہ وسلم نے فرمایا: ”اگر وہ اپنے چھوٹے بچوں کے لیے کمانے نکلا ہے تو وہ اللہ کی راہ میں ہے، اور اگر وہ اپنے بوڑھے والدین کے لیے کمانے نکلا ہے تو وہ اللہ کی راہ میں ہے، اور اگر وہ اپنے آپ کو (سوال سے) بچانے کے لیے کمانے نکلا ہے تو وہ اللہ کی راہ میں ہے، اور اگر وہ دکھاوے اور فخر کے لیے نکلا ہے تو وہ شیطان کی راہ میں ہے۔“ [المعجم الكبير للطبراني/باب الكاف/حدیث: 16332]