سیدنا کعب بن عجرہ رضی اللہ عنہ کہتے ہیں: رسول اللہ صلی اللہ علیہ وسلم نے فرمایا: ”اللہ تمہیں ان حکمرانوں سے پناہ دے جو میرے بعد آئیں گے۔“ میں نے عرض کیا: وہ کیا بات ہے؟ آپ صلی اللہ علیہ وسلم نے فرمایا: ”جو ان کے پاس جائے اور ان کے جھوٹ کی تصدیق کرے اور ان کے ظلم پر ان کی مدد کرے، وہ مجھ سے نہیں اور میں اس سے نہیں، اور وہ کبھی حوض پر نہیں آئے گا۔ اور جو ان کے پاس نہ جائے، نہ ان کے جھوٹ کی تصدیق کرے، اور نہ ان کے ظلم پر ان کی مدد کرے، وہ مجھ سے ہے اور میں اس سے ہوں، اور وہ میرے حوض پر آئے گا۔“
”حرام کمائی سے پلا ہوا گوشت جنت میں داخل نہیں ہو گا، اور جو گوشت حرام کمائی سے پلا ہو، اس کے لیے آگ زیادہ حق دار ہے۔ اور لوگ دو طرح کے صبح کرنے والے ہیں: ایک وہ جو اپنے آپ کو ضائع کر کے ہلاک کرنے والا ہے، اور دوسرا وہ جو اپنے آپ کو (گناہوں سے) چھڑا کر آزاد کرنے والا ہے۔ نماز دلیل ہے، روزہ ڈھال ہے، اور صدقہ گناہ کو اس طرح بجھا دیتا ہے جیسے پانی آگ کو بجھا دیتا ہے۔“ [المعجم الكبير للطبراني/باب الكاف/حدیث: 16348]