سیدنا کعب بن عجرہ رضی اللہ عنہ کہتے ہیں: رسول اللہ صلی اللہ علیہ وسلم مسجد میں ہماری طرف تشریف لائے، اس وقت ہم سات آدمی تھے، چار عرب اور تین موالی میں سے، تو آپ صلی اللہ علیہ وسلم بیٹھ گئے اور فرمایا: ”کیا تمہیں معلوم ہے تمہارے رب نے کیا فرمایا؟“ ہم نے عرض کیا: اللہ اور اس کا رسول بہتر جانتے ہیں۔ آپ صلی اللہ علیہ وسلم نے فرمایا: ”جو نماز کو اس کے وقت پر پڑھے اور اس کے حق میں کوتاہی برتتے ہوئے اسے نہ چھوڑے، وہ قیامت کے دن مجھ سے اس حال میں ملے گا کہ اس کے لیے میرے پاس ایک عہد ہو گا جس کی بنا پر میں اسے جنت میں داخل کروں گا۔ اور جو اسے اس کے وقت پر نہ پڑھے اور اس کے حق میں کوتاہی برتتے ہوئے اسے چھوڑ دے، وہ قیامت کے دن مجھ سے اس حال میں ملے گا کہ اس کے لیے میرے پاس کوئی عہد نہیں ہو گا، اگر میں چاہوں تو اسے عذاب دوں اور اگر چاہوں تو اسے بخش دوں۔“ [المعجم الكبير للطبراني/باب الكاف/حدیث: 16363]