حسن بصری رحمہ اللہ بیان کرتے ہیں: میں مصعب کی امارت کے دور میں سیدنا جندب رضی اللہ عنہ کے پاس بیٹھا تو انہوں نے فرمایا: یہ لوگ ایک دوسرے کا خون بہانے لگے ہیں، دنیا پر ایک دوسرے سے حلف اٹھا چکے ہیں اور تعمیرات میں طول دینے لگے ہیں، اور میں اللہ کی قسم کھا کر کہتا ہوں کہ تم پر بہت جلد ایسا وقت آنے والا ہے کہ ایک مضبوط اونٹ، دو رسیاں اور ایک پالان تم میں سے کسی کو بڑی سے بڑی عمارت سے بھی زیادہ محبوب ہوں گے۔ تم جانتے ہو کہ میں نے رسول اللہ صلی اللہ علیہ وسلم کو فرماتے سنا: ”تم میں سے کسی کے اور جنت کے درمیان، جبکہ وہ اس کا دروازہ دیکھ رہا ہو، کسی مسلمان آدمی کا ناحق بہایا ہوا ایک چلو بھر خون ہرگز حائل نہ ہو، سن لو! جو نماز فجر پڑھے وہ اللہ کی ذمہ داری میں ہے، تو اللہ تم سے اس کی ذمہ داری میں سے کوئی چیز طلب نہ کرے۔“ [المعجم الكبير للطبراني/باب الجيم/حدیث: 1647]