سیدنا ابواسید الانصاری رضی اللہ عنہ سے روایت ہے، وہ کہتے ہیں کہ رسول اللہ صلی اللہ علیہ وسلم نے فرمایا: ”انصار کے گھرانوں میں سب سے بہتر بنو نجار ہیں، پھر بنو عبدالاشہل، پھر بنو حارث بن خزرج، پھر بنو ساعدہ، اور انصار کے ہر گھرانے میں بھلائی ہے۔“ اس پر سعد بن عبادہ نے کہا: میں دیکھ رہا ہوں کہ رسول اللہ صلی اللہ علیہ وسلم نے دوسروں کو ہم پر فضیلت دی ہے۔ آپ صلی اللہ علیہ وسلم نے فرمایا: ”تمہیں بھی بہت سوں پر فضیلت دی گئی ہے۔“ [المعجم الكبير للطبراني/باب الميم/حدیث: 16628]