حارث بن معبد رحمہ اللہ بیان کرتے ہیں کہ ان کے چچا حرملہ بن عبدالعزیز نے اپنے والد سے، انہوں نے اپنے دادا سیدنا سبرہ بن معبد رضی اللہ عنہ سے روایت کی، وہ کہتے ہیں: سیدنا عمران بن حصین رضی اللہ عنہ نے کہا: میں نے نبی کریم صلی اللہ علیہ وسلم کو یہ فرماتے سنا: ”جہینہ مجھ سے ہیں اور میں ان سے ہوں، انہوں نے میرے غصے پر غصہ کیا اور میری رضا پر راضی ہوئے، میں ان کے غصے پر غصہ کرتا ہوں اور ان کی رضا پر راضی ہوتا ہوں، پس جس نے انہیں غصہ دلایا اس نے مجھے غصہ دلایا، اور جس نے مجھے غصہ دلایا اس نے اللہ کو غصہ دلایا۔“ اس پر سیدنا معاویہ رضی اللہ عنہ نے ان سے کہا: آپ صلی اللہ علیہ وسلم نے یہ حدیث قریش کے بارے میں فرمائی تھی۔ سیدنا عمران رضی اللہ عنہ نے کہا: میں نے یہ نبی کریم صلی اللہ علیہ وسلم سے خود سنا ہے، اور اس وقت تم فوت ہو چکے تھے (یعنی ابھی مسلمان نہیں ہوئے تھے)۔ [المعجم الكبير للطبراني/باب الميم/حدیث: 16766]