سیدنا معاذ بن جبل رضی اللہ عنہ کہتے ہیں: رسول اللہ صلی اللہ علیہ وسلم اپنے ایک صحابی کی شادی کی تقریب میں حاضر ہوئے، تو آپ صلی اللہ علیہ وسلم نے اس سے فرمایا: ”خیر و برکت، محبت، مبارک قدم، اور رزق کی وسعت کے ساتھ، اللہ تمہارے لیے برکت ڈالے، اس کے سر پر دف بجاؤ“، تو دف لایا گیا اور بجایا گیا، پھر تھال آئے جن پر پھل اور شکر تھی، تو اسے اس پر بکھیرا گیا، تو لوگوں نے اپنے ہاتھ روک لیے، تو رسول اللہ صلی اللہ علیہ وسلم نے فرمایا: ”تمہیں کیا ہوا کہ تم لپکتے نہیں؟“ صحابہ نے عرض کیا: یا رسول اللہ! کیا آپ نے لوٹ مار سے منع نہیں فرمایا تھا؟ آپ صلی اللہ علیہ وسلم نے فرمایا: ”میں نے تمہیں صرف لشکروں کی لوٹ مار سے منع کیا تھا، لیکن شادیوں میں ایسا نہیں“، پھر آپ صلی اللہ علیہ وسلم نے بھی ان کے ساتھ (شکر) اکٹھا کرنے کی کوشش کی اور انہوں نے بھی آپ صلی اللہ علیہ وسلم کے ساتھ۔ [المعجم الكبير للطبراني/باب الميم/حدیث: 17327]