سیدنا معاذ بن جبل رضی اللہ عنہ کہتے ہیں: رسول اللہ صلی اللہ علیہ وسلم نے ایک دن ایسی نماز پڑھی جس کا قیام، رکوع اور سجدہ طویل کیا، تو جب فارغ ہوئے تو میں نے عرض کیا: یا رسول اللہ! آپ نے ایسی نماز پڑھی جس کا قیام، رکوع اور سجدہ آپ نے طویل کیا، تو آپ صلی اللہ علیہ وسلم نے فرمایا: ”یہ رغبت اور رہبت کی نماز تھی، میں نے اس میں اپنے رب سے تین چیزیں مانگیں، اس نے مجھے دو عطا کیں اور ایک مجھ سے روک لی، میں نے اس سے یہ مانگا کہ وہ میری امت پر کسی ایسے دشمن کو غالب نہ کرے جو ان کے علاوہ ہو، اور وہ انہیں جڑ سے اکھاڑ پھینکے، تو اس نے مجھے یہ عطا کر دی، اور میں نے اس سے مانگا کہ وہ ان پر کوئی قحط مسلط نہ کرے جو انہیں بھوک سے ہلاک کر دے، تو اس نے یہ بھی عطا کر دی، اور میں نے اس سے مانگا کہ وہ ان کی آپس کی لڑائی نہ رکھے، تو اس نے یہ مجھ سے روک لی اور مجھ سے چھپا لی۔“ [المعجم الكبير للطبراني/باب الميم/حدیث: 17416]