شریح بن عبید رحمہ اللہ سیدنا مقدام بن معدی کرب اور سیدنا ابوامامہ باہلی رضی اللہ عنہما سے روایت کرتے ہیں کہ ایک شخص رسول اللہ صلی اللہ علیہ وسلم کے پاس آیا اور عرض کیا: یا رسول اللہ! یہ معاملہ آپ کی قوم میں ہے، تو ہمارے بارے میں انہیں وصیت فرمائیں۔ تو آپ صلی اللہ علیہ وسلم نے ان سے فرمایا: ”میں تمہیں اللہ کی یاد دلاتا ہوں کہ میرے بعد میری امت پر زیادتی نہ کرنا۔“ پھر لوگوں سے فرمایا: ”میرے بعد کچھ امیر ہوں گے، تو ان کی اطاعت ادا کرو، کیونکہ امیر ڈھال کی مانند ہے جس کے ذریعے دشمن سے بچا جاتا ہے، اگر انہوں نے اصلاح کی اور تمہیں بھلائی کا حکم دیا تو یہ تمہارے لیے بھی ہے اور ان کے لیے بھی، اور اگر انہوں نے تمہیں دیے گئے حکم میں برائی کی تو یہ ان پر ہے اور تم اس سے بری ہو، بےشک امیر جب لوگوں میں شک و شبہ (اور عیب) کے پیچھے پڑتا ہے تو وہ انہیں بگاڑ دیتا ہے۔“ [المعجم الكبير للطبراني/باب الميم/حدیث: 17787]