وراد، سیدنا مغیرہ بن شعبہ رضی اللہ عنہ کے کاتب، کہتے ہیں: معاویہ بن ابی سفیان رضی اللہ عنہ نے مغیرہ رضی اللہ عنہ کو لکھا: مجھے رسول اللہ صلی اللہ علیہ وسلم کی حدیث میں سے کچھ لکھ بھیجو۔ تو مغیرہ رضی اللہ عنہ نے انہیں لکھا: میں نے رسول اللہ صلی اللہ علیہ وسلم کو تین چیزوں سے پناہ مانگتے سنا: ماؤں کی نافرمانی سے، بیٹیوں کو زندہ دفن کرنے سے، اور نہ دینے اور مانگتے رہنے سے، اور میں نے آپ صلی اللہ علیہ وسلم کو تین چیزوں سے منع کرتے سنا: بے سروپا باتیں کرنے سے، مال ضائع کرنے سے، اور بکثرت سوال کرنے سے، اور میں نے آپ صلی اللہ علیہ وسلم کو یہ فرماتے بھی سنا: ”اے اللہ! جو تو دے اسے کوئی روکنے والا نہیں، اور جو تو روک لے اسے کوئی دینے والا نہیں، اور کسی بزرگی والے کو اس کی بزرگی تیرے مقابلے میں کوئی فائدہ نہیں دیتی۔“ [المعجم الكبير للطبراني/باب الميم/حدیث: 18034]