وراد، سیدنا مغیرہ رضی اللہ عنہ کے آزاد کردہ غلام، بیان کرتے ہیں کہ سیدنا مغیرہ رضی اللہ عنہ نے معاویہ رضی اللہ عنہ کو لکھا - یہ خط وراد نے ہی لکھا تھا -: میں نے رسول اللہ صلی اللہ علیہ وسلم کو سلام پھیرتے وقت یہ فرماتے سنا: ”اللہ کے سوا کوئی سچا معبود نہیں، وہ اکیلا ہے، اس کا کوئی شریک نہیں، اسی کی بادشاہت ہے اور اسی کے لیے تمام تعریفیں ہیں، اور وہ ہر چیز پر قادر ہے۔ اے اللہ! جو تو دے اسے کوئی روکنے والا نہیں، اور جو تو روک لے اسے کوئی دینے والا نہیں، اور کسی بزرگی والے کو اس کی بزرگی تیرے مقابلے میں کوئی فائدہ نہیں دیتی۔“ [المعجم الكبير للطبراني/باب الميم/حدیث: 18048]