سیدنا ابو عریان رضی اللہ عنہ بیان کرتے ہیں کہ نبی کریم صلی اللہ علیہ وسلم نے ایک دن نماز پڑھائی اور گھر میں تشریف لے گئے، اور لوگوں میں ایک آدمی تھا جس کے ہاتھ لمبے تھے، رسول اللہ صلی اللہ علیہ وسلم اسے ذوالیدین کہتے تھے۔ ذوالیدین نے عرض کیا: یا رسول اللہ! کیا نماز مختصر کر دی گئی ہے یا آپ بھول گئے؟ آپ صلی اللہ علیہ وسلم نے فرمایا: ”نہ نماز مختصر ہوئی، نہ میں بھولا۔“ اس نے کہا: بلکہ آپ نماز میں بھول گئے ہیں۔ تو آپ صلی اللہ علیہ وسلم آگے بڑھے اور انہیں دو رکعتیں پڑھائیں، پھر سلام پھیرا، پھر تکبیر کہی اور اپنے معمول کے سجدے کی طرح، یا اس سے لمبا سجدہ کیا، پھر تکبیر کہی اور اپنا سر اٹھایا، پھر تکبیر کہی اور اپنے معمول کے سجدے کی طرح، یا اس سے لمبا سجدہ کیا، پھر تکبیر کہی اور اپنا سر اٹھایا۔ (راوی) محمد کو یاد نہیں کہ اس کے بعد آپ صلی اللہ علیہ وسلم نے دوبارہ سلام پھیرا یا نہیں۔ [المعجم الكبير للطبراني/مسند من يعرف بالكنى/حدیث: 19133]