محمد بن علی بن حسین رحمہ اللہ کہتے ہیں: سیدنا حسین رضی اللہ عنہ اپنی اس زمین کی طرف نکلے جو ظاہرِ حرہ میں تھی، اور ہم چل رہے تھے کہ ہم نعمان بن بشیر رضی اللہ عنہ سے جا ملے جو خچر پر سوار تھے، تو وہ اتر گئے اور اسے سیدنا حسین رضی اللہ عنہ کے قریب لائے اور کہا: سوار ہو جائیے، اے اللہ کے بندے! انہوں نے اسے ناپسند کیا، مگر نعمان مسلسل قسمیں دیتے رہے یہاں تک کہ سیدنا حسین رضی اللہ عنہ نے سوار ہونا مان لیا۔ انہوں نے کہا: چونکہ آپ نے قسم دی ہے تو آپ نے مجھ پر ایک ناپسندیدہ بات لازم کر دی، آپ اپنی سواری کے اگلے حصے پر سوار ہو جائیں، میں آپ کو پیچھے بٹھا لوں گا، کیونکہ میں نے فاطمہ بنت محمد صلی اللہ علیہ وسلم کو یہ کہتے سنا ہے: رسول اللہ صلی اللہ علیہ وسلم نے فرمایا: ”آدمی اپنی سواری کے اگلے حصے، اپنے بستر کے اگلے حصے، اور اپنے گھر میں نماز پڑھانے کا سب سے زیادہ حقدار ہے، سوائے اس امام کے جس کے پاس لوگ جمع ہوتے ہیں۔“ تو نعمان نے کہا: محمد صلی اللہ علیہ وسلم کی بیٹی نے سچ کہا، میں نے اپنے والد بشیر کو بھی وہی کہتے سنا جو فاطمہ نے کہا، اور رسول اللہ صلی اللہ علیہ وسلم نے فرمایا: ”سوائے اس کے جسے اجازت دے دی جائے۔“ چنانچہ سیدنا حسین رضی اللہ عنہ زین پر سوار ہوئے اور انصاری (سیدنا نعمان رضی اللہ عنہ) ان کے پیچھے بیٹھے۔ [المعجم الكبير للطبراني/مسند النساء/حدیث: 19228]