سیدہ ام سلمہ رضی اللہ عنہا سے روایت ہے، وہ کہتی ہیں: میں نے رسول اللہ صلی اللہ علیہ وسلم کو فرماتے سنا: ”جو بندہ بھی کسی مصیبت میں مبتلا ہو اور یہ کہے: ہم اللہ ہی کے ہیں اور اسی کی طرف لوٹنے والے ہیں، اے اللہ! میں تیرے پاس اپنی مصیبت کا اجر چاہتا ہوں، پس مجھے اس میں اجر عطا فرما اور اس کے بدلے میں مجھے بہتر عطا فرما، تو اللہ اسے اس کی مصیبت میں اجر عطا فرماتا ہے اور اسے اس سے بہتر بدلہ عطا فرماتا ہے۔“ [المعجم الكبير للطبراني/مسند النساء/حدیث: 19854]