سیدہ ام سلمہ رضی اللہ عنہا سے روایت ہے کہ نبی کریم صلی اللہ علیہ وسلم نے فرمایا: ”آسمان میں دو فرشتے ہیں، ان میں سے ایک سختی کا حکم دیتا ہے اور دوسرا نرمی کا، اور دونوں درست ہیں، وہ جبریل اور میکائیل ہیں۔ اور دو نبی تھے، ان میں سے ایک نرمی کا حکم دیتا تھا اور دوسرا سختی کا، اور دونوں درست تھے“، اور آپ صلی اللہ علیہ وسلم نے سیدنا ابراہیم اور سیدنا نوح علیہما السلام کا ذکر فرمایا: ”اور میرے دو ساتھی ہیں، ان میں سے ایک نرمی کا حکم دیتا ہے اور دوسرا سختی کا، اور دونوں درست ہیں“، اور آپ صلی اللہ علیہ وسلم نے سیدنا ابوبکر اور سیدنا عمر رضی اللہ عنہما کا ذکر فرمایا۔ [المعجم الكبير للطبراني/مسند النساء/حدیث: 20019]