سیدہ ام قیس بنت محصن رضی اللہ عنہا بیان کرتی ہیں کہ میں سیدہ زینب بنت جحش رضی اللہ عنہا کے پاس گئی تو ان کا چہرہ سرخ ہو رہا تھا، تو میں نے پوچھا: تمہیں کیا ہوا؟ تو انہوں نے فرمایا: رسول اللہ صلی اللہ علیہ وسلم میرے پاس تشریف لائے جبکہ میں سوئی ہوئی تھی، تو آپ صلی اللہ علیہ وسلم نے اپنے ساتھ موجود ایک چھڑی سے مجھے چھوا - راوی کہتے ہیں: میں نے پوچھا: وہ چھڑی کیا تھی؟ انہوں نے بتایا: سفید کھجور کی چھڑی - پھر فرمایا: ”اللہ کی قسم! یہ وہ وقت ہے جب بڑے بڑے فتنے نازل ہوئے ہیں۔“ وہ کہتی ہیں: تو میں نے عرض کیا: یا رسول اللہ! کیا ہم اس حال میں ہلاک ہوں گے کہ ہم میں نیک لوگ بھی ہوں؟ آپ صلی اللہ علیہ وسلم نے فرمایا: ”ہاں، پھر جو لوگ تقویٰ اختیار کرتے ہیں وہ نجات پا جائیں گے۔“ [المعجم الكبير للطبراني/مسند النساء/حدیث: 20514]