سیدہ امیمہ بنت رقیقہ رضی اللہ عنہا کہتی ہیں: میں کچھ عورتوں کے ساتھ نبی کریم صلی اللہ علیہ وسلم کی خدمت میں بیعت کرنے کے لیے حاضر ہوئی تو آپ صلی اللہ علیہ وسلم نے ہم پر وہی شرط رکھی جو قرآن میں ہے: ”چوری نہ کرنا، زنا نہ کرنا، اپنی اولاد کو قتل نہ کرنا اور کوئی بہتان گھڑ کر نہ لانا۔“ پھر آپ صلی اللہ علیہ وسلم نے ہم سے فرمایا: ”جس قدر تم طاقت رکھو اور استطاعت رکھو۔“ ہم نے کہا: اللہ اور اس کا رسول ہم پر ہم سے بھی زیادہ مہربان ہیں، ہم نے عرض کیا: یا رسول اللہ! کیا آپ ہم سے مصافحہ نہیں کریں گے؟ آپ صلی اللہ علیہ وسلم نے فرمایا: ”میں عورتوں سے مصافحہ نہیں کرتا، میری ایک عورت سے بات ایسی ہی ہے جیسے سو عورتوں سے۔“ [المعجم الكبير للطبراني/مسند النساء/حدیث: 20841]