ابوسلمہ بن عبدالرحمن رحمہ اللہ کہتے ہیں: سیدہ فاطمہ بنت قیس رضی اللہ عنہا نے مجھ سے بیان کیا کہ ”وہ ابوعمرو بن حفص بن مغیرہ کے نکاح میں تھیں، تو اس نے انہیں تیسری اور آخری طلاق دے دی، تو ان کا خیال ہے کہ وہ رسول اللہ صلی اللہ علیہ وسلم کے پاس آئیں اور آپ سے اپنے گھر سے نکلنے کے بارے میں مسئلہ پوچھا، تو آپ صلی اللہ علیہ وسلم نے انہیں حکم دیا، ان کا خیال ہے کہ وہ ابن ام مکتوم نابینا کے ہاں منتقل ہو جائیں۔“ ”لیکن مروان اس بات پر بضد رہا کہ وہ مطلقہ کے اپنے گھر سے نکلنے کے بارے میں فاطمہ کی حدیث کو مشکوک قرار دے۔“ [المعجم الكبير للطبراني/مسند النساء/حدیث: 21277]