سیدہ ام ہانی رضی اللہ عنہا سے روایت ہے کہ نبی کریم صلی اللہ علیہ وسلم کو ایک ریشمی دھاری دار جوڑا ہدیہ کیا گیا تو آپ صلی اللہ علیہ وسلم نے وہ سیدنا علی رضی اللہ عنہ کو بھیج دیا، چنانچہ علی رضی اللہ عنہ اسے پہن کر شام کو نکلے، تو رسول اللہ صلی اللہ علیہ وسلم نے علی رضی اللہ عنہ سے فرمایا: ”جو چیز میں اپنے لیے پسند نہیں کرتا وہ تمہارے لیے بھی پسند نہیں کرتا، میں نے یہ تمہیں پہننے کے لیے نہیں دیا، بلکہ اس لیے دیا کہ تم اسے فاطماؤں (یعنی فاطمہ نام کی عورتوں) کے درمیان دوپٹے بنا دو۔“ [المعجم الكبير للطبراني/مسند النساء/حدیث: 21437]