قیس بن ابی حازم بیان کرتے ہیں: میں نے سیدنا جریر رضی اللہ عنہ سے سنا، وہ کہتے تھے: ہم چودہویں کی رات رسول اللہ صلی اللہ علیہ وسلم کے پاس تھے کہ آپ صلی اللہ علیہ وسلم نے فرمایا: ”تم عنقریب اپنے رب کو اس طرح دیکھو گے جیسے چاند کو دیکھتے ہو، اسے دیکھنے میں تمہیں کوئی دقت نہیں ہوگی۔ لہٰذا اگر تم سے ہو سکے تو سورج طلوع ہونے سے پہلے اور غروب ہونے سے پہلے کی دو نمازیں فوت نہ ہونے دو۔“ پھر آپ صلی اللہ علیہ وسلم نے یہ آیت تلاوت فرمائی: ”اور اپنے رب کی حمد کے ساتھ تسبیح کیجیے سورج طلوع ہونے سے پہلے اور غروب ہونے سے پہلے۔“ [سورۃ طٰہٰ: 130] [المعجم الكبير للطبراني/باب الجيم/حدیث: 2212]