سیدنا حسن بن علی رضی اللہ عنہ کہتے ہیں: رسول اللہ صلی اللہ علیہ وسلم نے فرمایا: ”اے انس! جاؤ اور عرب کے سردار کو میرے پاس بلا لاؤ“ - یعنی سیدنا علی رضی اللہ عنہ - تو سیدہ عائشہ رضی اللہ عنہا نے عرض کیا: کیا آپ عرب کے سردار نہیں؟ آپ صلی اللہ علیہ وسلم نے فرمایا: ”میں اولادِ آدم کا سردار ہوں، اور علی عرب کا سردار ہے۔“ تو جب سیدنا علی رضی اللہ عنہ آئے تو رسول اللہ صلی اللہ علیہ وسلم نے انصار کی طرف پیغام بھیجا، تو وہ آپ کے پاس آئے، تو آپ صلی اللہ علیہ وسلم نے ان سے فرمایا: ”اے گروہ انصار! کیا میں تمہیں وہ چیز نہ بتاؤں کہ اگر تم اسے تھامے رکھو تو اس کے بعد کبھی گمراہ نہ ہو؟“ انہوں نے عرض کیا: کیوں نہیں، یا رسول اللہ۔ آپ صلی اللہ علیہ وسلم نے فرمایا: ”یہ علی ہے، تو اس سے میری محبت کی خاطر محبت کرو، اور میری عزت کی خاطر اس کی عزت کرو، کیونکہ جبریل علیہ السلام نے مجھے اللہ عزوجل کی طرف سے یہی حکم دیا ہے جو میں نے تم سے کہا۔“ [المعجم الكبير للطبراني/باب الحاء/حدیث: 2736]